-सन्तोष माबुहाङ्ग
बस्नुको त टुङ्गो छैन वासको कुरा नगर
जे मिल्छ त्यही खाउला गाँसको कुरा नगर
हामी आफै फस्या छौ अभावको दलदलमा
अरु नै डुबिरहेको भासको कुरा नगर
मजबुरी गरी खानेको त यस्तो हालत छ
अरुको घरमा बस्ने दासको कुरा नगर
स्वार्थ नै स्वार्थ भरिएको यो संसार भित्र
सहयोग मिल्छ भन्ने आसको कुरा नगर
ज्युदै छदा त यहाँ कसैले हेर्दैनन भने देखि
मरे पछि जे जे होस लासको कुरा नगर
बसन्तपुर, तेह्रथुम
अहिले- मलेसिया
1 comment:
जीवनजस्तो कहाँ हो र अन्न त फेरि फेरि फल्छ नै
मंसिर लागेको मान्छेलाई राशको कुरा नगर
लेख्नपर्छ सन्तोष जी यस्तै अमर गजलहरु
मरेपछि पनि बाँच्नुपर्छ सासको कुरा नगर ।
-देवेन्द्र सुर्केली
Post a Comment